حياة الصرصار

موضوع: حياة الصرصار الإثنين مارس 16, 2009 6:55 pm

الجدول اليومي لحياة الصرصار

عمرك فكرت تتعب نفسك وتجهد فكرك وتشغل خيالك وتصحي دماغك و تشوف حياة الاخرين عمرك حاولت تجربها ( قصدي على حياة الآخرين ) لاء دي صعبة اوي ههههههههههههه لأننا النهاردة هنتخيل حياة الصرصار ( فكرة من الاخر جامدة )

.................................................. ....

إن المتعة الحقيقية في وصف الشئ هو تخيله تماماً والنهاردة هنشطح بالخيال شويتين علشان هنتخيل حياة الصرصار

.................................................. ....

ياتري الصرصار يومه بيمشي ازاي بيعمل ايه بياكل ايه بينام فين بيلعب ازاي كله ده هنعرفه حالاً مع بعض قليل من التفكير ونصل الي الحقيقة الكاملة ( موضوع مشوق )

.................................................. ....

وسنبدأ بالاعمال اليومية بالنسبة للأستاذ صرصار :-

1- أول حاجة اكيد انه زي اي حد بيصحى من النوم في الحمام ( التواليت أو الكبنيه ) وطبعا بيصحى على بعض الروائح العطرة بالنسبة له ( اللي بيقرف يسد منخيره ) .

2- يبتدى يسخن عضلات جسمة بالقيام ببعض التمرينات الصباحية المعتادة وذلك بالخروج قدام صاحب الشقة والتفنن في الهروب من الشبشب .

3-على الضهرية بقي الأستاذ صرصار بيكون تعب حبتين فيروح علشان يريحله شوية ورا الدولاب بتاع أوضة النوم ، هتسألونى اشمعنى يعني دولاب أوضة النوم ؟ مش هحرمك من الاجابة لأنه يستحيل على صاحب الشقة تحريك الدولاب يعني نوم هادئ ومستقر ومريح .

4- بعد كده بقي الأستاذ صرصار لأنه إستغلالي بس مش اناني بيستغل فترة غياب صاحب الشقة وعلشان هوا مش أناني بيروح ينادي صحابه ويجيبهم علشان يقدملهم الوليمة اللي غالباً هتبقي موجودة في المطبخ ،وينزل هوا واصحابه حتتك بتتك على باقي الحلل والصواني والاكل الموجود فى حوض المطبخ وبعد الوليمة الجامدة دي ياخد الشلة بتاعته مهوا البيت فاضي فرصة بقي يبرطعوا براحتهم ويروحوا يرقصوا على مخلفات المعلبات والاجبان الموجودة خارج الثلاجة .

ده بالنسبة للأعمال اليومية للصرصار اما بعد ..

>>>> الوقتي بقي جه وقت حاجة مهمة اوي لازم ياخد باله منها الكل دي بقي شوية نصايح لازم كل صرصار وصرصارة يحطوها حلقة في ودنهم :

1- عدم استفزاز صاحب الشقة واجباره على استخدام ( ريد ) او ( فليت ) .

2- عدم التردد دائماً امام صاحب الشقة لكي لا يقرف ويتخذ طرق غير سليمة في الهجوم .

3- عدم احراج صاحب الشقة بالخروج امامه في حضور ضيوفه ( لازم يكون في حبة زوق برضه ) .

4- اذا رأيت صاحب الشقة يلاحقك ، فأعكس الخطة ولاحقة انت ، لأنه حتماً سيهرب .

5- عدم القيام بأي تمرينات صباحية في حالة وجود اكثر من شخص في الشقة ، وإلا سيكون رقم مقاس الشبشب هو آخر شئ تراه في حياتك .

(( اشياء تجعل الصرصار يموت من الضحك ))

1- الدوران حول كرسي فوقة امرأة تصرخ خوفاً من الصرصار .

2- الهروب من شخص في يده شبشب على سطح املس غارق بالماء والصابون .

3- استخدام معطر الهواء بالخطاء بدل ريد او فليت .

4- عندما يغلق شخص ، باب الحمام ، ويجد الصرصار أمامه ( يعني قدام وشه بالزبط ) ملتصق على الباب .

5- عندما يحاول ( أحول ) اصطياد الصرصار بالشبشب .

ليه يا ربي مخلقتنيش صيصياية ههههههههههههههههههههههههههههههه lol!

بجد موضوع مضحك جدا جدا انت مركز مع الضحك اليومين دول
دة شئ جميل
شكرا ليك يا هيما lol!

ميه ميه يابنى واللهى
ممكن تلاقى شله كدة بيقولك ايه اطعم مسا ع الصراصير
شكررررررررررررا على موضوع المصرصر قصدى الجميل اللى مليان صراصير وشكراااااا

» تعرف على الجلطة ب3 خطوات فقط .....اسهل من بعض ؟؟ادخل اعرفها يمكن تكون سبب في انقاذ حياة انسان يوم من الايام